काठमाडौं काठमाडौँको चुच्चेपाटीमा तिलगङ्गा आँखा अस्पतालले आँखासँग सम्बन्धित सबै प्रकारका उपचार गराउने उद्देश्यले सिटी आई सेन्टरको शुभारम्भ गरेको छ । आँखा अस्पतालका चिकित्सकहरूको समूहबाट उपचार गराउने उद्देश्यले सिटी आई सेन्टर सञ्चालनमा ल्याइएको हो । सेन्टरको तिलगङ्गा आँखा प्रतिष्ठानका कार्यकारी निर्देशक प्रा डा। सन्दुक रुइत र प्रमुख कार्यकारी अधिकृत डा। रीता गुरुङले सेन्टर उद्घाटन गर्नु भएको स्रोतले जनाएको छ ।
आजदेखि नियमित आँखा परीक्षणलगायत जटिल शल्यक्रियाको सेवा उपलब्ध गराउने छ । सेन्टरमा मोतियाबिन्दुको शल्यक्रिया, जल बिन्दुको उपचार, कोर्निया र रेटिनाको उपचार, आँखाको सौन्दर्य र अल्छी आँखाको व्यवस्थापनको उपचार गरिने जनाइएको छ ।
